Қалай өтініш беруге болады

Өтінім беру барысында келесі құжаттарды тапсыру қажет:

• Академиялық анықтама (Транскрипт)
• Ағылшын тілін білу туралы сертификат (IELTS, TOEFL немесе Cardiff University English Test ішкі тесті)
• Паспорт немесе жеке куәлік

Таңдаған бағдарламаға байланысты немесе мемлекеттік грантқа үміткер болсаңыз, қосымша құжаттар қажет болуы мүмкін.

Сіз соңғы аттестат/сертификатты алғанға дейін өтініш бере аласыз. Бұл жағдайда соңғы транскрипттерді және/немесе ресми түрде болжанған бағаларды тапсырыңыз. Мұндай жағдайларда сізге академиялық талаптарды орындау шартымен шартты түрде ұсыныс берілуі мүмкін.

Таңдаған бағдарламаңыздың түсу талаптары мен басқа да шарттарына сәйкес келсеңіз, сізге оқу орны ұсынылуы мүмкін. Бағалау кезінде біз сіздің өтінішіңізді толықтай қарастырамыз. Бағдарламалардағы орындар саны шектеулі, сондықтан академиялық талаптарға сәйкес келу ұсыныс алатыныңызға кепілдік бермейді.

Ұсыныстар екі түрлі болады:

• Шартты ұсыныс – мысалы, егер сізде әлі соңғы траскрипт жоқ болса немесе ағылшын тілін білу туралы сертификатты тапсыру қажет болса, сізге шартты түрде орын ұсынылуы мүмкін. Бұл ұсыныс хатында көрсетілген мерзімге дейін қажетті құжаттарды тапсыру шартымен орын сізге бекітіледі дегенді білдіреді.

Барлық шарттар орындалып, ұсыныс қабылданғаннан кейін, сіздің қабылдануыңыз шартсыз болады.

• Шартсыз ұсыныс – академиялық талаптардың барлығын орындап, таңдаған бағдарламаңызға орын ұсынылғанын білдіреді. Біз сізден білім туралы құжаттардың нотариалды көшірмелерін тапсыруды сұрауымыз мүмкін, сондықтан ұсыныс хатының мәліметтерін мұқият оқып шығыңыз.

Ұсынысты хатта көрсетілген мерзімге дейін қабылдау маңызды. Егер қабылдамасаңыз, ұсыныс кері қайтарылып, орын басқа талапкерге берілуі мүмкін.

Оқу деңгейіңізге және тұрғылықты еліңізге байланысты сізден кампуста оқуға қабылдау сессиясына қатысу талап етілуі мүмкін. Бұл кезде барлық қажетті құжаттар тапсырылып, тексеріледі.

Шетелдік студенттер бұл рәсімді әдетте бейімделу аптасы (Induction Week) аясында өткізеді.

Оқу ақысы не толығымен қабылдану кезінде, не оқу жылы ішінде үш тең бөлікпен төленуі тиіс. Бірінші төлем қабылдануға дейін немесе оның барысында жүргізілуі керек.