Бос білім беру гранттарына конкурс


Cardiff University Kazakhstan бакалавриат бағдарламалары бойынша бос (босап қалған) білім беру гранттарын тағайындау жөніндегі конкурс жариялайды. 

Конкурс келесі нормативтік-құқықтық актілерге сәйкес өткізіледі: 

  • 2007 жылғы 27 шілдедегі № 319-III Қазақстан Республикасының «Білім туралы» Заңы; 
  • Қазақстан Республикасы Ғылым және жоғары білім министрінің м.а. 2023 жылғы 25 тамыздағы № 443 бұйрығы «“Бакалавр” немесе “магистр” дәрежесін беру арқылы жоғары немесе жоғары оқу орнынан кейінгі білім беру ақысын төлеуге арналған білім беру грантын тағайындау қағидаларын бекіту туралы» (4-тарау). 

Жоғары және (немесе) жоғары оқу орнынан кейінгі білім беру процесінде босаған бос білім беру гранттары бос орындар болған жағдайда конкурстық негізде беріледі.

Қатысуға құқылы үміткерлер 


Конкурсқа Cardiff University Kazakhstan университетінің ақылы негізде білім алып жатқан қазіргі студенттері қатыса алады. Осы Қағидалармен танысуды сұраймыз. 

Ақылы негізде білім алатын студенттер бос білім беру грантына өздері қазіргі уақытта білім алып жатқан білім беру бағдарламаларының тобы шеңберінде ғана өтініш беруге құқылы екенін назарға алуыңызды сұраймыз. Өтініштер қолданыстағы Қағидаларға сәйкес қаралады. 

Өтінім беру және қарау тәртібі 

Бос білім беру гранттарын тағайындау келесі тәртіппен жүзеге асырылады:

  1. Байқауға қатысу және гранттық қаржыландыруға ауысу туралы Басқарма Төрағасы – Провосттың атына өтініш беріңіз, және жеке басын куәландыратын құжаттың көшірмесін тапсырыңыз. Өтініш нысаны VLE/Learning Central жүйесінде  немесе электрондық пошта арқылы  қолжетімді. 
  2. Өтініштер Академиялық кеңес және/немесе Университет Басқармасы отырысында қаралады. 
  3. Мақұлданған құжаттар Қазақстан Республикасы Ғылым және жоғары білім министрлігіне түпкілікті шешім қабылдау үшін жолданады. 

Іріктеу критерийлері

 Іріктеудің негізгі критерийі — академиялық үлгерім, ол орташа балл (cumulative average grade) негізінде айқындалады. Академиялық нәтижелер тең болған жағдайда артықшылық бекітілген Қағидаларға, оның ішінде сабаққа қатысу көрсеткіштеріне сәйкес беріледі. 

Қолжетімді бос грант 

Осы хабарландыру жарияланған сәтте білім беру бағдарламалары бойынша келесі бос білім беру гранттары қолжетімді: 

  • Компьютерлік ғылымдар: 3 грант 
  • Азаматтық құрылыс: 3 грант 
  • Геология және пайдалы қазбалар кен орындарын барлау: 2 грант 
  • Бизнесті басқару: 1 грант 

Өтініш берудің соңғы мерзімі: 2026 жылғы 10 тамызды қоса алғанда. 

Міндетті еңбек өтеу туралы маңызды ақпарат

Грант иегерлері Қазақстан Республикасының «Білім туралы» Заңының 47-бабының 17-тармағына сәйкес, алынған мамандық бойынша кемінде 3 жыл міндетті түрде жұмыс істеуге міндетті. 

Қосымша ақпаратты Financial Centre Telegram-боты арқылы алуға болады. 

Нәтижелер Министрліктің шешімінен кейін жарияланады. 

Сұрақтар бойынша Student Hub-қа хабарласыңыз: KZstudenthub@cardiff.ac.uk